Niviarsiaraavunga Inuk Quebécip avannaani nunaqarfimmi Tasiujami najungalik. Najungarput uani inissisimavoq allorniusani N 58.41, W 69.56. Nunaqarfipput Tasiujaq 200 missaanni inoqarpoq. Maani nunarput orpeqarfiup killinganiippoq, napaartoqarluni qaqqaqarpoq taserpassuaqarluni narsartarasaarlunilu. Ukiumi minus 45 angullugit issittartoq aputeqarluni, eqqatsinnilu imaq sikusarluni. Aasami kiattarpoq ilaatigut plus 15 celcius angullugu. Aasami ippernarpassuaqartarpoq alianaattaqaarli.

Aqqaneq marlunnik ukioqarpunga. Aqqaluaqarpunga tallimanik ukiulimmik, nukaqarlungalu marlunnik ukiulimmik. 6. klassimi atuartuuvunga, atuarfimmi nuannarinerpaavakka kisitsilerineq matematik timersuutinilu hockey bamintonilu. Atuarfimmi ilinniagassat naliginnaasut ilinniartarpakka, oqaatsini inuktitut fanskisullu oqaatsit atortarpakka.

Ikinngutiginerpaasara Mae Angnatuk-mik ateqarpoq manni aamma najungaqarpoq nuannaareeqqagullu.

Ullaakkut nal. 08.30 atuariartortarpunga ualikkullu soraartarlunga. Angerlaraangama anaananga ikiortarpara, erruillunga torersaallungalu.

Maani nerisarpagut eqaluit tuttullu quartorlugit, timmissat uumasullu imarmiut amma nerisarisarpagut, kiisalu nerisassat maliginnaasut pisiniarfimmi pisiassat nerisarpagut.

Angalaarneq nuannareqaarput, aasami ukiumilu atuanngiffitsinni angajoqqaagut ilagalugit illuaqqanut tuperiarlutalu angalaartarpugut, tamaani angalaartilluta uumasut assigiinngitsut piniartarpagut, uumasullu makku maani uumasuupput: amaroq, umimmak, tuttu, uppik, aqisseq, puisit, mitit, appat uumasullu allarpassuit nammattuugassaapput.

Ukiumi qamuteralalluta angalaartarpugut sikumilu eqalunnut aalisartarluta, aasamilu qajarissanik aquuteralalinnik immami angalaartarluta.

Ilaanneeriarluta atuartut allamut aallartarpugut Quebecimiinnikuuvugut aamma Montrealimi, Canada kujasissuaniittut.

TV-kut isiginnaassallugit nuannarinerpaavakka Simson Walt Disney. Nipilersuutinilu nuannarinerpaavakka Bad Street Boys aamma Spice Girls.

Meeraqatikka sumiikkaluartulluunnit tamaasa inuulluaqquakka.